Kvifor skal kommuneplanen ut på nytt offentleg ettersyn?
Kommuneplanen låg fyrst ute til offentleg ettersyn våren 2021. I samband med dette kom det motsegn frå Statsforvaltaren i Oslo og Viken og Viken fylkeskommune.
Statsforvaltaren sine motsegnspunkt går ut på at kunnskapsgrunnlaget ikkje er godt nok, i tillegg til at fleire innspel er i strid med nasjonale og regionale føringar for jordvern og naturmangfald. Fylkeskommunen sine motsegnspunkt går ut på at fleire innspel er i strid med føringar for fritidsbustader/reiseliv og bruk av skog og fjellområde i Regional plan for areal og transport i Buskerud 2018-2035.
Kommunen har i ettertid jobba med å oppdatere kunnskapsgrunnlaget og planmaterialet, noko som beklageleg vis har teke veldig lang tid. I samband med vurderinga av innspel, merknader og motsegn som kom under offentleg ettersyn vedtok formannskapet å legge inn fem nye byggeområde. På bakgrunn av dette må kommuneplanen ut på nytt offentleg ettersyn.
Kva endringar er gjort frå førre offentlege ettersyn?
Alle endringane som er gjort i plankart og føresegner frå førre offentleg ettersyn er omtala i eiga notat og kart.
Desse områda er nye:
- 2.1 Halli, 5/26 (bustader)
- 3.13 Nystølfjellet, 4/136 (fritidsbustader)
- 4.1 Storefjell (kombinert formål)
- 4.8 Storefjell – Bualie samanbinding skiheis, 10/6 (idrettsanlegg)
- 5.11 Lauvsjø, 35/12 (fritidsbustader)
Desse områda har vorte redusert etter førre offentlege ettersyn:
- 3.3 Smøget (masseuttak)
- 3.5 Tretteskogane, 25/50 (fritidsbustader)
- 4.2 Einarset, 24/9 (fritidsbustader)
- 4.7 Ørterstølen, 4/7 (kombinert formål)
- 4.11 Buo, 13/21 (fritidsbustader)
- 4.15 Guriset, 13/265 fritid (fritidsbustader)
- 6.1 Nystølsameiga, 17/72 (fritidsbustader)
Desse områda har vorte fjerna etter førre offentlege ettersyn:
- 4.13 Guriset, 13/265 næring (næring)
- 5.9 Lauvsjø, 31/62, 38/3, 31/8 (fritidsbustader)
- 5.15 Hemsedal GolfAlpin (fritidsbustader)
- 7.2 Vermefoss, 17/20 og 17/238 (næring)
Andre endringar:
- Alle nye område for LNF-område med spreidd fritidsbusetnad som vart lagt inn i samband med 1. gongsbehandling, er fjerna.
- Smøget skytebane, som har vorte tilbakeført til LNF-formål, er endra frå LNF eksisterande til LNF framtidig. Det same gjeld tidlegare masseuttak ved Skrøyvestølane.
Har du spørsmål?
Dersom det er vanskeleg å sjå detaljane i plankartet under kan du også sjå plankartet i www.kommunekart.com. Søk opp Gol kommune eller adressa du ønsker å finne i søkefeltet oppe til venstre. Trykk deretter på Kartlag der du har kommunevåpenet til Gol kommune. Du får då opp ein boks på høgre side. Hak av på Plan og Kommuneplaner forslag. Du skal då få opp plankartet. Ved å trykke på aktive kartlag oppe til høgre kan du justere gjennomsiktigheita i plankartet, slik at du ser bakgrunnskartet med bygningar, vegar og høgdekoter betre.
Ved å trykke på eit bestemt område kan du sjå kva som er tenkt for dette området.
Ta gjerne kontakt med Sander Lilleslett på telefon 32 02 90 72 eller e-post sander.lilleslett@gol.kommune.no dersom du lurar på noko.
Plandokument
- Vedlegg 1 - Plankart til 2. gongs offentleg ettersyn desember 2023.PDF
- Vedlegg 2 - Føresegner og retningslinjer - kommuneplanens arealdel for Gol 2023 - 2035.PDF
- Vedlegg 3 - Konsekvensutgreiing - kommuneplanens arealdel for Gol 2023 - 2035.PDF
- Vedlegg 4 - ROS-analyse - kommuneplanens arealdel for Gol 2023 - 2035.PDF
- Vedlegg 5 - Planomtale - kommuneplanens arealdel for Gol 2023 - 2035.PDF
- Vedlegg 6 - Tilsvar til Statsforvaltaren i Oslo og Viken.PDF
- Vedlegg 7 - Tilsvar til Viken fylkeskommune.PDF
- Vedlegg 8 - Arealrekneskap KU.XLSX
- Vedlegg 9 - Saksframlegg - Forslag til løysing av motsegn til kommuneplanen sin arealdel for Gol.PDF
- Vedlegg 10 - Saksprotokoll FSK 09.12.2021.PDF
- Vedlegg 11 - Saksframlegg - vurdering av innspel som kom under offentleg ettersyn.PDF
- Vedlegg 12 - Saksprotokoll - vurdering av innspel som kom under offentleg ettersyn.PDF
- Vedlegg 13 - Endringar i kart og føresegner.PDF
- Vedlegg 14 - Stort kart med innlagte og fjerna område.PDF
- Vedlegg 15 - kart over endringar frå førre offentlege ettersyn.PDF
- Tala i vedlegg 15 er henvisning til endringane forklart i vedlegg 13.