Høyringar og kunngjeringar

Varsel om oppstart

Her blir planar lagt ved varsel om oppstart.

Detaljregulering Gol Fjellandsby

I medhald av plan- og bygningslova § 12-8 blir det varsla om oppstart av detaljregulering for Gol Fjellandsby.

Planen vil erstatte "Reguleringsplan for NB6 og deler av planområde for Skagahøgdi" i sin heilskap. Planområdet er i dag regulert til fritidsbebyggelse med tilhøyrande næring og aktivitetar. Føremål med reguleringa er å oppgradere planen og tilpasse denne betre til dagens forutsetningar og planar for utvikling. 

Sjå dokumenta her: 

• Varsel om oppstart
• Planinitiativ
• Referat frå oppstartsmøte

Innspel

Har du merknader eller innspel til varselet kan du sende disse til Vitreo AS v/ Sveinung Syversen, epost sveinung@vitreo.no, med kopi til Gol kommune, postmottak@gol.kommune.no eller pr post til Gol kommune, Gamlevegen 4, 3550 Gol. Merknadsfristen er 16.1.2025.

Reguleringsplan for ny barnehage, Hallingmo

I medhald av plan- og bygningslova §§ 12-1, 12-8, 12-15 og 21-3 blir det varsla om oppstart av reguleringsplan for ny barnehage med barneavlastning på Hallingmo, nord for Gol skule.

Formålet med planarbeidet er å regulere ny barnehage med barneavlastning. 

Planområdet ligg nord for Gol skule, avgrensa av Sagvegen og Tronderudvegen. Området omfattar delar av eigedomane gbnr. 9/9, 9/56, 9/215, 9/336 og 10/28, og har ein storleik på om lag 25 dekar. Området er forholdsvis flatt og ubebygd i dag. På delar av området er det etablert skulehage som blir vurdert å flytte i planprosessen. Sør i planområdet er delar av tomta gravd ut, og det er etablert parkeringsplass for Gol skule. Elles er store delar av området urørt natur med tre, lyng og låg vegetasjon. Områdeavgrensinga kan bli redusert etter innspel til varsel om oppstart. 

Planforslag

Det skal etablerast ein 4-6 avdelings barnehage og avdeling for avlastning på tomta.

I reguleringsplan for Hallingmo, planID 2012007, er området regulert til grøntområde og parkering, gangveg og idrettsanlegg og grønstruktur. I gjeldande kommunedelplan og forslag til kommunedelplan er planområdet avsett til offentleg og privat tenesteyting og bustad. Formålet er i tråd med overordna plan. 

I arbeidet med etablering av ny barnehage og barneavlastning vil trafikkforhold bli kartlagt og innlemma i regulering. Det vil bli sett på ulike alternativ for tilkomst, deriblat tilkomst frå Valdresvegen. Det vil bli vurdert å flytte parkeringsplassen for dei tilsette ved Gol skule til søraust for skula, slik at trafikale forhold og trafikkavvikling til skule og barnehage blir skild så langt det let seg gjere. Området søraust for skula har ikkje krav til regulering. Det må greiast ut flaumfare. 

Har du innspel eller merknader?

Dersom du har innspel eller merknader til planforslaget kan du sende dei til MAP ARKITEKTER AS v/ Aurora Grøgaard, 48 48 14 87, e-post: ag@mapark.no

Fristen for å kome med innspel eller merknader er 31.08.2024 

Plandokument

• Planavgrensing kommunedelplan.pdf
• Planavgrensing reguleringsplan.pdf
• Varsel om oppstart av planarbeider - ny barnehage.pdf
• Referat for oppstartsmøte - ny barnehage.pdf

Offentleg ettersyn

Her blir planar som er ute til høyring og offentleg ettersyn lagt ut. 

 

Kunngjeringar

Kunngjorte planar blir lagt her.

Kommunedelplan for Gol tettstad 2024-2036 - KUNNGJERING

Gol kommune har kunngjort kommunedelplan for Gol tettstad 2024-2036. Kommunedelplan for Gol tettstad er den overordna arealplanen som legg grunnlaget for den langsiktige utviklinga i Gol tettstad. Tettstaden strekk seg frå Tuppeskogen i vest til Petterbråten i nord, Gol sentrum og ned til Herad i aust. PlanID er 2016003. Resten av kommunen er omfatta av Kommuneplanens arealdel for Gol. 

Kommunedelplanen har vore gjennom to ordinære offentlege ettersyn og to avgrensa offentlege ettersyn. I prosessen har Buskerud fylkeskommune, Statsforvaltaren i Østfold, Buskerud, Oslo og Akershus, Bane NOR og Statens vegvesen hatt motsegn til planforslaget. Alle utanom Statens vegvesen har trekt motsegna sine. 

Kommunestyret vedtok kommunedelplanen 10. desember 2024, som sak 85/2024 i medhald av plan- og bygningslova § 11-15. Område BN1, Leirhaugen blir unnateke rettsverknad i medhald av plan- og bygningslova § 11-16, slik at kommunen kan vedta resten av kommunedelplanen i påvente av dialog med Statens vegvesen.

• Plankart (PDF)
• Føresegner (PDF)
• Planomtale (PDF)
• Konsekvensutgreiing (PDF)
• Trafikkanalyse (PDF)
• Flaumfarevurdering for Gol sentrum (PDF)
• Flaumfarevurdering ny brannstasjon (PDF)
• Flaumfarevurdering Storøyne (PDF)
• Flaumsonekart Delprosjekt Gol (PDF)
• Skredfarekartlegging i Gol og Hemsedal (PDF)
• Plankart utan omsyns- og faresoner (PDF)
• Saksframlegg/innstilling (PDF)
• Vedtak (PDF)
• Planprogram til kommunedelplan for Gol tettstad (PDF)

Planendring Grøn gate - Pers hotell