Kvifor skal kommuneplanen ut på nytt offentleg ettersyn?
Kommuneplanen har lege ute til offentleg ettersyn to gongar tidlegare. Etter fyrste offentlege ettersyn i 2021 hadde Statsforvaltaren i Oslo og Viken og Buskerud fylkeskommune motsegn til planforslaget. Planforslaget vart oppdatert, og det vart både lagt inn og teke ut byggeområde før planen vart lagt ut til nytt offentleg ettersyn vinteren 2023/2024. Under andre offentlege ettersyn har fylkeskommunen trekt sine motsegn, medan Statsforvaltaren opprettheld fleire av sine. Statsforvaltaren har framleis motsegn til 13 utbyggingsområde.
I ettertid har administrasjonen i Gol kommune hatt eit drøftingsmøte saman med administrasjonen frå Statsforvaltaren, og motsegna frå Statsforvaltaren har vorte politisk behandla. Formannskapet vedtok i møte 30. mai 2024 å gjere følgande endingar:
Kva endringar er gjort frå førre offentlege ettersyn?
Følgande område blir endra frå byggeområde til LNF-område:
- 3.13 Nystølfjellet – FB-1, gbnr. 4/136
- Området er tilbakeført til LNF fordi området ligg utanfor satsingsområde for reiseliv, og at kommunen har meir enn 1 200 regulerte hyttetomter som er eldre enn 10 år.
- 4.5 Kamben – FB-29, gbnr. 23/32
- Området er tilbakeført til LNF fordi området er dyrkbart i tilknyting til dyrka mark.
- 4.12 Bualie nord – FB-20, gbnr. 13/283
- Området er tilbakeført til LNF av omsyn til boreal hei med sentral økosystemfunksjon.
- 4.14 Guriset – NÆ-2, gbnr. 13/15
- Området er tilbakeført til LNF fordi området er dyrkbart i tilknyting til dyrka mark, og ligg i eit større samanhengande aktivt stølsområde.
- 5.3 og 5.4 Auenhauglie – FB-25, gbnr. 29/1 og gbnr. 25/33
- Områda er tilbakeført til LNF fordi dei er registrert som svært gode beite og kan redusere grøntkorridorar.
- 5.13 Lauvset ved Sagabråten seter – FB-19, gbnr. 33/12
- Området er tilbakeført til LNF fordi området til dels er dyrkbart og tilkomsten er bratt.
- 6.1 Nystølsameiga – FB-15, gbnr. 15/100 og gbnr. 17/71
- Området er tilbakeført til LNF fordi området ligg eksponert i tregrensa, området er lite bebygd, og det må gjerast store inngrep for å få teknisk infrastruktur inn til området.
Følgande område blir redusert:
- 4.18 Oset høyfjellshotell – KBA9, gbnr. 23/208
- Området er redusert for å unngå myr.
- 4.19 Oset/Tisleia – FB-30, gbnr. 13/265
- Området er redusert for å unngå myr og for å sikre avstand til det kommunale reinseanlegget.
- 8.1 Skaga – T-1, gbnr. 23/6
- Området er redusert for å unngå innmarksbeite og overflatedyrka mark.
Følgande område blir utvida:
- 3.3 Smøget, 9/34 – RU-5, gbnr. 9/34
- Området er utvida for å få betre utnytting av området og redusere brotkanten, samtidig som det blir oppretthaldt ein avstand til skiløype på minimum 75 meter.
Endra konsekvensar av planforslaget
Formannskapet har endra 626 dekar frå byggeområde om til LNF-formål frå førre offentlege ettersyn. Frå gjeldande kommuneplan er tilbakeføringa av byggeområde til LNF-formål auka frå 573 til 607 dekar.
Tap av dyrkbar mark er redusert med 99 dekar frå førre offentlege ettersyn.
Samla endring frå LNF-formål til byggeområde er no 407 dekar, dersom ein inkluderer område som blir tilbakeført frå byggeområde til LNF-formål. Gol kommune har dermed meir enn halvert omfanget av nytt byggeområde.
Totalt har kommunen lagt inn 1 014 dekar med nye byggeområde. Samtidig blir det tilbakeført 607 dekar frå byggeområde til LNF-formål.
Frist for innspel eller merknader
Dersom du ønsker å kome med innspel til planforslaget må du gjere det skriftleg. Dei kan sendast per post til Gol kommune, Gamlevegen 4, 3550 Gol eller på e-post til postmottak@gol.kommune.no.
Fristen for å kome med innspel til planforslaget er måndag 26. august 2024.
Dersom det er spørsmål eller kommentarar til planforslaget kan du gjerne ta kontakt med Sander Lilleslett på telefon 32 02 90 00 eller e-post postmottak@gol.kommune.no.
Plandokument
- Vedlegg 1 - Plankart til 3. gongs offentleg ettersyn juli 2024.pdf
- Vedlegg 2 - Føresegner og retningslinjer - kommuneplanens arealdel for Gol 2023 - 2035.pdf
- Vedlegg 3 - Konsekvensutgreiing - kommuneplanens arealdel for Gol 2023 - 2035.pdf
- Vedlegg 4 - ROS-analyse - kommuneplanens arealdel for Gol 2023 - 2035.pdf
- Vedlegg 5 - Planomtale - kommuneplanens arealdel for Gol 2023 - 2035.pdf
- Vedlegg 6 - Arealrekneskap KU - juni 2024.pdf
- Vedlegg 7 - Saksframlegg forslag til løysing av motsegn.PDF
- Vedlegg 8 - Vedtak forslag til løysing av motsegn.PDF
- Vedlegg 9 - Vedtak sortert.pdf
- Vedlegg 10 - Referat frå arbeidsmøte med Statsforvaltaren.PDF
- Vedlegg 11 - Statsforvaltaren sin uttale med motsegn.PDF