Elevgrunnlaget ved Gol vaksenopplæring
- Innvandrarar med rett og/eller plikt til norskopplæring (inklusive familiegjenforeinte).
- Andre vaksne framandspråklege som ynskjer norskopplæring (arbeidsinnvandrarar)
- Asylsøkjarar.
- Alle vaksne (over 25 år) med rett til opplæring på grunnskulens område, inklusive opplæring i grunnleggjande ferdigheiter, og rett til realkompetansevurdering.
- Vaksne med rett til spesialundervisning.
- Innvandrarar som ynskjer opplæring i norsk på høgare nivå.
FOV
Gol vaksenopplæring organiserer FOV (grunnskuleopplæring) for alle vaksne som er busett i Hallingdal
Alle dei 6 kommunane i Hallingdal har ei samarbeidsavtale om dette tilbodet.
Alle som søkjer, sender søknaden til Gol vaksenopplæring som handsamar alle søknader.
Same søknad skal òg brukast om du søkjer om realkompetansevurdering.
Etter at vi har teke imot søknaden, blir du kalla inn til ei samtale der vi vurderer om du er kandidat for arbeidsretta FOV, eksamensretta FOV eller realkompetansevurdering. Vi gjer òg testing i forhold til fagleg nivå, og du blir plassert på riktig tilbod og modul ut frå dette.
Dei ordinære tilboda er fulltidstilbod som strekkjer seg over inntil 4 år.
FOV eksamensretta (FOVe) dekker dei fem obligatoriske faga som du må ha for å kunne søkje vidaregåande opplæring. Det er norsk, engelsk, matematikk, naturfag og samfunnsfag.
Du blir vurdert i alle modular og får karakterar i modul 3 og 4, og du kan gå opp til eksamen etter modul 4.
Du kan søkje om å delta på eitt eller fleire av faga.
Du treng ikkje å gå opp til eksamen dersom du ikkje skal søkje vidaregåande opplæring.
Du kan òg søkje om å delta utan karakter.
Opplæringa fylgjer eigen læreplan for FOV og inneheldt grunnleggjande modul og modul 1–4.
FOV arbeidsretta (FOVa) dekker fire av faga: norsk, matematikk, naturfag og samfunnsfag og har hovudfokus på utvalde mål frå modul 1–3. FOVa er eit kortare løp (ca. 2 år) og har arbeid som hovudmål etter fullført program.
Tilbodet rettar seg mot
- Alle vaksne som ikkje har fullført grunnskule, eller som ikkje har karakter i alle fag.
- Framandspråklege som ikkje har grunnskule frå heimlandet (eller berre nokre år), eller som ev ikkje kan dokumentere resultat frå grunnskule frå heimlandet.
- Alle vaksne som treng å få auka basiskunnskapen sin i eit eller fleire fag.
- Vaksne som har lyst til å lære meir.
Dersom du ynskjer vidaregåande opplæring, men er usikker på din kompetanse i grunnskulefaga, kan Gol vaksenopplæring gjennomføre ei realkompetansevurdering (gol.kommune.no).
Det er undervisning 30 timar i veka fordelt på 5 dagar.
Det er to inntak til grunnskuleåret i året.
Søknadsfrist er 1.juni og 1.september.
Vi tilrår aktuelle kanditatar å søkje 1.juni.
Undervisninga er gratis.
Søknadsskjemar
Søknad om opplæring i grunnleggende ferdigheiter (§4A-1) eller spesialundervisning (§4A-2) (.docx)
Søknad om opplæring i grunnleggande ferdigheiter (§4A-1) eller spesialundervisning (§4A-2) (PDF)