Kva er ein trafikktryggleiksplan?
Trafikktryggleiksplanen er eit viktig styringsverktøy for trafikktryggleiksarbeidet i kommunen. Planen skal legge føringar for korleis vi skal arbeide for å betre trafikktryggleiken dei neste åra.
Trafikktryggleiksarbeid handlar om å redusere risikoen for skadar og ulukker blant alle trafikantgrupper i alle aldrar. Ein trafikktryggleiksplan skal ta vare på dei viktigaste prioriteringane for å auke trafikktryggleiken i Gol kommune, og arbeidet skal vera eit bidrag for å nå dei nasjonale måla.
Vi ønsker dine innspel!
Har du forslag eller innspel til trafikktryggleiksplane og/eller handlingsdelen? Vi oppfordrar innbyggarar, organisasjonar og andre berørte partar til å kome med innspel. Innspel kan sendast skriftleg på e-post postmottak@gol.kommune.no eller til Gol kommune, Gamlevegen 4, 3550 Gol. Fristen for innspel er 29. juni 2026.
Her er den eksisterande trafikktryggleiksplanen, med prioritert tiltaksliste i 2017.