Kommuneplanen sin arealdel er den overordna arealplanen som legg grunnlaget for den langsiktige utviklinga i Gol kommune utanom tettstaden.
Kommuneplanen har vore gjennom to ordinære offentlege ettersyn og to avgrensa offentlege ettersyn. I prosessen har Buskerud fylkeskommune, Statsforvaltaren i Østfold, Buskerud Oslo og Akershus, Statens vegvesen og Bane NOR hatt motsegn til planforslaget. Alle utanom Statsforvaltaren i Østfold, Buskerud Oslo og Akershus har trekt motsegna sine.
Kommunestyret vedtok kommuneplanen 17. juni 2025, som sak 30/2025 i medhald av plan- og bygningslova § 11-15. Område 4.5 Kamben FB-29 og 4.10 Bualie midt FB-24 er unntatt rettsverknad i påvente av mekling med Statsforvaltaren.