Formålet er å gjennomgå helse- og omsorgstenestene, og finne dei beste løysingane for innbyggarane i kommunen og dei som oppheld seg her i åra framover. Heiltidskultur, planar for å behalde tilsette og dessutan rekruttering av personar med kompetanse det er behov for, vil bli teke inn i arbeidet til prosjektet. Samhandling, samlokalisering, digitalisering og innovasjon vil òg vere sentrale element i utviklingsarbeidet. I tillegg er det behov for å følge opp det som kjem fram i nasjonale styringsdokument.
Prosjektet er delt inn i følgande delprosjekt:
- Delprosjekt 1: Omhandlar samorganisering og samlokalisering av psykisk helse og Helsestasjonen.
- Delprosjekt 2: Gjeld Gol Helsetun. I første omgang utbetring av avdeling Oda. Det skal òg igangsettes eit Mulighetsstudie, for å finne best mogleg framtidsretta bruk av heile bygget til Gol Helsetun.
- Delprosjekt 3: Skal omhandle tildeling av tenester i samsvar med behova til brukarane.
- Delprosjekt 4: «ROP-prosjektet», omhandlar organisering og etablering av bustader for personar med rus- og psykiatri utfordringar. Bustader i Furuveien og Teaterverkstedet skal takast i bruk.
- Delprosjekt 5: Omhandlar organisasjonsutvikling, og skal finne ein hensiktsmessig organisere av drifta til helse og omsorg. Moglegheiter for lokalt og regionalt samarbeid, vil òg bli tema i dette delprosjektet.
- Delprosjekt 6: Prosjektet omhandlar eit nytt bygg for barnehage, aktivitetssenter og avlastning. Det nye bygget skal ligge nord for nye Gol Skole. Prosjektet starta primo 2024, og vi er nå inne i prosjekteringsfasen. Prosjektet blei lagt under Tjenestekonseptutviklingsprosjektet i haust, for slik å ha ein felles og tverrfagleg samansett Styringsgruppe og prosjektorganisasjon i utviklingsprosjekta i kommunen. Bygget er planlagt ferdigstilt i august 2026. Antal barnehageavdelingar/byggets omfang vil bli avgjorde i ekstraordinært Kommunestyremøte 7. januar 2025. Vidare prosess vil bli formidla etter dette.
Dette er eit medarbeiderbåret prosjekt, det vil seie at forslag til endringar kjem frå dei tilsette og ikkje leiinga. Prosjektet er organisert slik at Arbeidsgrupper jobbar fram forslag til tiltak innan dei definerte delprosjekta. Forslaga blir behandla så av Prosjektgruppen, før det blir teke avgjerder i Styringsgruppen til prosjektet. Det er den administrative leiinga i Gol kommune som utgjer Styringsgruppen. Slik får ein eit heilskapleg syn på tiltaka, og ei brei fagleg involvering.
Det er mange samanhengar mellom dei ulike delprosjekta. Derfor har vi starta fleire delprosjekt til same tid. Prosjektet skal vare fram til 1. mai 2025.