Det er mange årsaker til at barn er pårørande eller at kvardagen blir vanskeleg.
Det kan vere forhold i familien som
- psykisk sjukdom, fysisk sjukdom eller skade
- misbruk av alkohol eller rusmiddel
- når nokre av dei næraste dør
- samlivsbrot
- store økonomiske utfordringar
- å vere vitne til vald i familien
- forelder som sit i fengsel
Barn som pårørande blir i dei fleste tilfella godt ivaretatt og klarer seg godt. Nokre av barna utviklar eigne problem som kan vise seg i oppveksten eller bli synlege når barna blir eldre.
Barn som opplever store belastningar i oppveksten kan utvikle angst, depresjon, åtferdsvanskar, konsentrasjonsvanskar og dei har større risiko for fråfall i skole og utdanning.
Det er kjent at barn som opplever fleire belastningar samtidig, har større sjanse for å utvikle eigne problem.
Generelle råd til foreldre om korleis dei kan støtte barna
- Sørg for føreseielegheit og tryggleik ved å fortelje barnet kva som skjer.
- Oppretthald kvardagsrutinane så langt det lèt seg gjere
- Vêr tilgjengeleg, open og inkluderande, la barnet ta del i fellesskapet
- Prøv å sette deg inn i korleis barnet forstår situasjonen
- Ikkje press barnet til å snakke
- Prioriter tid med barnet og gjer ting saman med barnet
- Vis at det er greitt at søsken reagerer forskjellig på det som skjer
- Legg til rette for positive opplevingar med jamaldrande
- Innhent støtte frå andre vaksne personar ved behov
I alle kommunane i Hallingdal finst det ein barneansvarleg. I kommunen vår ønsker vi at alle barn og unge som er pårørande skal inkluderast og få rett til å uttale seg om eige behov for støtte. Dette ivaretas ved at tilsette kan rettleie foreldre, ha samtale med barnet og vise til aktuelle støttetilbod.
Barn som pårørande - brosyjre (PDF, 435kb)
Nyttige lenker
- Ung.no - nokon å snakke med om sjukdom eller rus i familien.
- BARsnakk – Ei chatteteneste for deg som har ei mor eller far, eller andre du bryr deg om – med rusproblem.
- Treffpunkt – Kreftforeininga sin møteplass for barn og unge som pårørande.
- UngePårørende.no – Ein nettstad som er laga for (og med) barn som er pårørande.
- Helsenorge.no – snakk med barn om sjukdom.
- Vaksne for barn
- Aldring og helse – Når barn og unge er pårørande
- Kven ser meg? – Ei nettside for dei som har ei mamma eller pappa med demens. Målgruppa barn.
- Tid til å vere ung – Ei nettside for dei som har ei mamma eller pappa med demens. Målgruppa ungdom.
Kontaktpersonar
Pårørandekoordinator
Marie Handeland
Telefon: 482 20 157
E-post: marie.handeland@gol.kommune.no
Barneansvarleg i Gol kommune:
Stine L. Roe
Helsesjukepleiar
Tlf. 32 02 92 15 eller 408 01 965, måndag – fredag