Nytt frå 1.juni 2019
Helsestasjonen tilbyr no reisemedisinske tenester, vaksinasjon og reiseinformasjon.
Ta kontakt med helsestasjon for avtale.
Opningstider for helsestasjonen
Mandag til fredag frå kl.09.00 - 15.00.
Gratis HPV-vaksine til kvinner født i 1991 og seinare
Alle kvinner som er født i 1991 og seinare, får frå 1. november 2016 tilbod om gratis vaksine mot humant papillomavirius (HPV-vaksine) gjennom eit to-årig vaksinasjonsprogram. Meir info her.
Helsetilbod for barn og unge
Helsestasjon for barn 0 - 5 år
Helsestasjon arbeider for ein helsefremmande oppvekst og livsstil.
På helsestasjonen kan foreldre og føresette koma og få råd og rettleiing i spørsmål som har med barn og gjera. Barna blir vegd og målt for å sjå at dei veks og trivs, og de får tilbod om vaksinasjon av barna i samsvar med det norske vaksinasjonsprogrammet. Heile helsestasjonstilbodet er gratis
Samarbeidspartnarar
Helsesøster og helsestasjonslege vil i samarbeid med foreldre observere og undersøkja at barnet er friskt og utviklar seg som det skal. Er det noko de som foreldre eller vi på helsestasjonen lurar på i barnets utvikling, kan det vera aktuelt å ta kontakt med ein eller fleire av våre samarbeidspartnarar som t.d. fysioterapeut, PPt, barnevern og tannhelsetjenesten Nokon gonger kan det vera behov for at barnet blir tilvist til spesialist eller sjukehus.
Timebestilling
Ved dei fleste av besøka på helsestasjonen vil de få tilbod om ein individuell time. Dersom de ikkje har fått ein ny time hjå oss når de har vore her, vil de få ein time tilsendt i posten når det nærmar seg neste konsultasjon. Helsestasjon tek kontakt når vi har fått beskjed frå sjukehuset om fødselen.
Heimebesøk
Helsestasjonen får beskjed frå sjukehuset om fødselen. Jordmor kjem på heimebesøk innan 3-4 døgn etter heimkomst. Helsesøster kjem på besøk innan 2 veker etter heimkomst.
Aktivitetar
Alle foreldre blir invitert til ettertreff i løpet av dei fyrste vekene etter fødselen. Vi har også tematreff ca.1gang pr. månad, der me har ulike tema og sosiale samvær.
Utlån
For mødre med ammeproblem kan vi låne ut brystpumpe. Her må det betalast kr. 100/200 for brystpumpesett, avhengig av type.
Barnevaksinasjonsprogram
Vaksinasjon går føre seg på helsestasjon og i skulehelsetenesta. Den begynner vanlegvis når barnet er 6 veker gamalt . Les meir om barnevaksinasjon.
Jordmorteneste
Svangerskapsomsorgen i Gol kommune er eit samarbeid mellom jordmor ved Gol helsestasjon og fastlegane i Gol kommune. Etter statlege retningslinjer og individuelt tilpassa.
Skulehelsetenesta
Skulehelsetenesta er eit førebyggjande helsetilbod for barn og unge i alderen 5 - 20 år
Det er viktig med eit godt samarbeid med elevane, heimen og lærarane for å førebyggje vanskar av fysisk eller psykisk art. Skulehelsetenesta samarbeider også med det øvrige hjelpeapparatet som PPt, psyikatrisk teneste og barnevernet.
Arbeidet i skulen består i
Helseundersøkingar
Oppfølging av elevar ved behov
Helseopplysning/rettleiing individuelt eller i grupper
Vaksinering
Treffetid på skulen etter avtale.
Du kan ta kontakt når helsesøster er på skulen, sjå plakat med treffetid på skulens oppslagstavle.
Skulehelsetenesta er eit førebyggjande helsetilbod for barn og unge i alderen 5 - 20 år
Helsestasjon for ungdom
Opningstid: mandagar kl.14 - 16.30 på Helsestasjonen.
Tilbod for all ungdom i alderen 13 - 20 år i Gol kommune.
Du treng ikkje timeavtale.
Vi som arbeider her har teieplikt. Du er alltid velkommen.Tilbodet er gratis. Egne visittkort på skulane, helsestasjon, legekontoret og servicetorget.
Du møter: Jordmor eller helsesøster, og lege.
Helsestasjon for ungdom tilbyr samtaler og hjelp til tema som :
Helse / Trivsel / Mistrivsel
Kosthald / Ernæring
Spiseforstyrringar
Psykiske problem/ Mobbing Sex / Samliv / Forelsking
Kjærlighetssorg /Homofili
Prevensjon / P - piller/ P-stav
Angrepiller / Graviditetstestar
Test av kjønnssjukdommar og behandling
Rusmisbruk / Røyking
Overgrep
Omskjæring / Tvangsekteskap
Formidlar kontaktar til andre tenester: Lege / Psykiatisk teneste /NAV
Det du har behov for å ta opp
Ung.no - oppslagsverket for deg som er ung
Reisevaksine
Nytt frå 01.01.2018
Med bakgrunn i totalsituasjonen ved Gol helsestasjon, vil tilbodet me har hatt om reisemedisinske tenester, vaksinasjon og reiseinformasjon, opphøyre inntil vidare ved Gol helsestasjon.
Publikum kan henvenda seg til Sentrum reisemedisin Drammen. Tlf. 22 52 10 10 eller e-post: drammen@reisemedisin.no
www.reisemedisin.no/kontakt/drammen/
Klageadgang
Ein eventuell klage skal sendast til Gol helsestasjon. Klagen vil derfrå bli sendt til Fylkeslegen. Eventuelt kan du klage direkte til Norsk Pasient-skadeerstatning.