Fagerlund barnehage
Fagerlund barnehage opna i august 2009 og har ein avdeling. Barnehagen er ein mellombels barnehage som er godkjent for 24 plassar. Barnegruppa er frå 1-4 år.
Leikearealet inne har ein arealbegrensing på maksimum 18 barn samstundes. Kommunen leiger eigedomen til barnehage.
Barnehagen ligg nedst i Gol sentrum i Eiklidvegen rett over stasjonsbrua med Hallingdalselva og Gol stasjon som næraste nabo.
Tryggleiken blir godt ivareteke med høgt gjerde rundt eigedomen. Barnehagen var i sin tid ein gard, og lokala består av bustadhus, stabbur og låve, og eit uteareal med stor flott plen som er god å bruke til ballspel og anna uteaktivitetar. Hovedhuset er noko tilpassa for å fungere som barnehage.
Fagerlund nyttar både naturen rundt eigedomen og skogsområdet ”Vestlia” med alle barna. Barnehagen ynskjer å legge gode rammer slik at barna gjennom dagen opplever positive relasjonar med omsorg, leik og læring.