Gol kommune varslar i samsvar med plan- og bygningslovas § 12-8 oppstart av planarbeid for område o2 (Hallingmo) i kommunedelplan for Gol tettstad, vedteke 05.09.2006 i Gol kommunestyre, sak K 049/06. Utval for Natur og næring tek sikte på å behandle planprogrammet for området i veke 10. Deretter vert planprogrammet lagt ut på offentleg ettersyn i seks veker.
Planområdet ligg rett nord for sentrumsområdet, og inntil Sentrumsvegen, Svøovegen og Gymnasvegen. I vest er området avgrensa langs Valdresvegen og mot nedre Svøo, i nord mot bustadfeltet i Petterbråten, og landbruks-, natur- og friluftsområde. I aust er området avgrensa av bustadfelta i Tronderud og øvre Breidokk, og Furuvegen. Planområdet er om lag 258 daa.
Oversiktskart med avgrensing av planområdet.
Føremålet med planområdet er å legge til rette for å utvikle idrett, skule, kultur og friskliv. Parallelt med planarbeidet vil det bli jobba med mulighetsstudie/konseptutvikling for ny grunnskule med tilhøyrande områder og aktivitetar. Det vil òg bli lagt til rette for supplerande næringsaktivitet som kafè, storkiosk eller liknande.
Planarbeidet fører til behov for konsekvensutredning etter gjeldande forskrift – jfr. pbl. § 4-2.
Følgjande tema vil bli konsekvensutgreidd:
- Naturmiljø og landskap
- Trafikk
- Energi og klima
- Folkehelse
- Universell utforming
- Eksisterande bebyggelse
- Kulturminne
Atelier Oslo AS vil i samarbeid med Asplan VIAK og Gol kommune utføre planarbeidet.
Eventuelle merknader eller kommentarar til varslingsprosessen og planføremål og avgrensing kan sendast skriftleg til Gol kommune, Gamlevegen 4, 3550 innan 02.02.2012.