Føremålet med tilskot til spesielle miljøtiltak i jordbruket er å fremje natur- og kulturminneverdiane i jordbrukets kulturlandskap og å redusere ureininga frå jordbruket utover det som kan forventast gjennom vanleg jordbruksdrift.

Pengane blir forvalta ut frå ein felles tiltaksstrategi for jordbruket i Hallingdal 2008-2011 og felles retningsliner for tildeling av SMIL. Tildelinga blir gjort kommunevis.

Aktuelle tiltak
Målgruppe
Søknadsskjema
Søknadsfrist
Saksgang
Lover/vedtekter
Informasjon

Aktuelle tiltak 

• planleggings- og tilretteleggingsprosjekt
• informasjonstiltak
• ulike forureiningstiltak
• kulturlandskap
• biologisk mangfald
• gamal kulturmark
• tilgjenge og opplevingskvalitet
• kulturminne og kulturmiljø
• freda og verneverdige bygningar 

Målgruppe

Det kan gjevast tilskot til føretak eller eigar som driv og/eller eig ein landbrukseigedom, eller til ein som er registrert i Einheitsregisteret og som har fått løyve av den som eig landbrukseigedomen til å gjennomføre eit prosjekt eller tiltak. (som nemnt i § 4 og § 5.)

Søknadsskjema

Søknad vert å sende på  eige skjema til Gol kommune. Skjema får du på Servicetorget eller på nettsida til Statens landbrukforvaltning.
 
Vedlegg

• detaljert kart (økonomisk karverk) som syner areal, viktige element i landskapet og plassering av tiltaktet det blir søkt om tilskot til
• Fotodokumentasjon
• Miljøplan trinn to (for søkjarar som mottek produksjonstilskot

For tiltak som vedkjem bygningar trengst i tillegg:

• spesifisert konstnadsoverslag sett opp av bygningskyndig
• planar for tiltaket inkludert framdriftsplan, arbeidsskildringar, noverande og framtidig bruk m.m.

Søknadsfrist

Frist for å søkje om tilskot til spesielle miljøtiltak i landbruket er sett til 1. april og 1. oktober kvart år.

Saksgang

I Gol blir tildelinga gjort av ei nemnd sett i hop av ein representant frå Gol Bonde- og Småbrukarlag, ein representant frå Gol Bondelag, ein politikar og to frå administrasjonen.

Lover/vedtekter

Ordninga er heimla i Forskrift om tilskudd til spesielle miljøtiltak i jordbruket.

Informasjon

For meir info eller spørsmål ta kontakt med Næringsavdelinga