Desse tiltaka treng ikkje søknad til kommunen:

Oppføring

• Frittliggjande, mindre uthus på utbygd eigedom som du ikkje skal bruke til å bu i. Mønehøgda kan vere inntil 3,0 m og gesimshøgda inntil 2,5 m. Korkje samla bruksareal (BRA) eller utbygd areal (BYA) kan vere over 15 m². Avstanden til annan bygning på eigedomen skal ikkje vere mindre enn 1,0 m. Avstanden til nabogrensa skal vere minst 4 meter.

Endring

• Ikkje-berande vegg innanfor ei branncelle eller eit lydområde.
• Reinstallering og reparasjon av eldstad.

Utandørs

• Levegg (skjermvegg) med ei høgd på inntil 1,8 m og lengde inntil 10,0 m. Veggen kan vere frittståande eller forbunden med bygning.
• Innhegning mot veg med ei høgd på inntil 1,5 m. Innhegninga må ikkje hindre sikta i frisiktsoner mot veg.
• Skilt- og reklameinnretning på inntil 3,0 m² som blir montert flatt på vegg. Unntaket gjeld ikkje dersom du ønskjer å montere fleire skilt- og reklameinnretningar på same fasade.
• Mindre antennesystem. Antennemasta kan vere inntil 2,0 m høg. Parabolantenne kan ha ei diameter på inntil 1,2 m .
• Mindre forstøtningsmur med ei høgd på inntil 1,0 m og ein avstand frå nabogrense på minst 2,0 m, eller forstøtningsmur med ei høgd på inntil 1,5 m og ein avstand frå nabogrense på minst 4,0 m. Muren må ikkje hindre sikta i frisiktsoner mot veg .
• Mindre fylling eller planering av terreng. Tiltaket må likevel ikkje føre til meir enn 3,0 m avvik frå opphavleg terrengnivå i grisgrendte strok, eller 1,5 m avvik frå opphavleg terrengnivå i tettbygd strok. På eigedom for rekkje- eller kjedehus o.l. med tett bygningsmasse, må avviket ikkje vere meir enn 0,5 m frå opphavleg terrengnivå. Avstand frå fyllingsfoten til nabogrense må vere minst 2,0 m. Endringar i terreng må ikkje hindre sikta i frisiktsoner mot veg.
• Intern veg på tomt og biloppstillingsplassar som ikkje krev vesentleg terrenginngrep.
• Mindre vesentleg fasadeendring.
• Graving for kablar.
• Lokal drenering samt reparasjonar ved rør- og ledningsbrot.

Plassering

• Bygningar, konstruksjonar eller anlegg på eller i direkte tilknyting til byggje- eller anleggstomt der ein arbeider.
• Campingvogn og vinteropplag av fritidsbåt på utbygd bustad- og fritidseigedom.
• Campingvogn på campingplass.

• Tiltaket må ikkje føre til fare eller ulempe for omgivnadene.
• Det skal ikkje vere i strid med plan- og bygningslova, arealdelen i kommuneplanen eller reguleringsplanen.

Ønskjer du dispensasjon frå gjeldande føresegner, må du likevel sende søknad.

Ved tvil om byggjetiltaket oppfyller vilkåra, kontakt kommunen for nærmare informasjon.

Byggesaksforskriften § 4-1