Jord- og hagebruksføretak med betydeleg avlingssvikt som skuldast klimatiske eller klimatisk avleda forhold som det ikkje er mogleg å sikre seg mot, kan få erstatning for avlingssvikt. Avlingssvikt vert definert som svikt i avlingsmengde i forhold til gjennomsnittsavling på det arealet som føretaket nytter til aktuelle vekstgrupper.

Utrekning
Melding
Søknadsfrist
Søknadsskjema

Utrekning

Erstatninga vert utrekna med ein eigenandel på 30 prosent. Ved utrekning av erstatning for avlingssvikt skal samla jordbruksareal for vekstgruppa leggjast til grunn.

Alle vekstar som føretaket dyrkar i aktuell vekstgruppe skal takast med i utrekninga, enten dei er skada eller ikkje. Ved utrekning av erstatning for avlingssvikt i grovfôrproduksjon, vert det teke utgangspunkt i husdyrhaldet på føretaket.

Melding

Søkjar må gi melding til kommunen når avlingssvikt oppstår, eller når ein kan rekne med at slik svikt vil oppstå. Melding må i alle høve gis i god tid før innhausting.

Søknadsfrist

Søknadsfristen til kommunen er 31. oktober kvart år.

Søknadsskjema

Finn ein på nettsida til Statens landbruksforvaltning eller du kan få det på Servicetorget eller på Næringsavdelinga. Elektronisk søknad kan sendast inn via Altinn.