Søknader om tilskot av spelemidlar til anlegg for idrett og fysisk aktivitet skal gå gjennom Gol kommune. Søknader om tilskot til anlegg for friluftsliv i fjellet blir behandla av Den Norske Turistforening (DNT).

Alle søknader om spelemidlar, med aktuelle vedlegg, skal sendast inn elektronisk. De finn den elektroniske skjemaløysinga på www.idrettsanlegg.no  På same nettside ligg også lenker til publikasjonar som gir utfyllande informasjon og som er relevante i søknadssprosessen.

Eit vilkår for å søke er at anlegget er innarbeidd i kommunens plan for idrett og fysisk aktivitet

Det kan søkjast om:

• Tilskot til bygging og rehabilitering av idrettsanlegg som er opne for allmenn idrettsleg verksemd, og som ikkje er underlagt kommersielle interesser. Tilskot med inntil 1/3 av anleggets kostnad, men max. kr. 700 000.
• Tilskot til nærmiljøanlegg = er utandørsområde for eigenorganisert fysisk aktivitet, primært for barn og ungdom. Tilskot med inntil 50% av anleggskostnad, men max. kr. 200 000.
• Tilskot til nærmiljøanlegg - mindre kostnadskrevjande anlegg. Tilskot med inntil 50% av godkjent kostnad, men max. kr. 40 000. Tilskotet kan ikkje vera mindre enn kr. 10 000.
• Anlegg for friluftsliv i fjellet. Søkjarar kan vera foreningar tilslutta Den Norske Turistforening (DNT) samt andre frivillige foreningar med tilsvarande formål. For samanslutningar som ikkje er tilslutta DNT, skal vedtektene førehandsgodkjennast av departementet. Til sikringshytter og løypetiltak kan det søkjast m tilskot på inntil 50% av godkjent kostnad.

Søknadsfristar:

• 1. november for ordinære anlegg og nærmiljøanlegg
• Mindre kostnadskrevjande anlegg kan det søkjast på gjennom heile året