Generelt

Kunst- og kulturutstillingar

Andre utstillingar

Opningstider

Kopieringstenester

1. GENERELT

Utstillingslokalet ”Galleri Gol” skal kunne nyttast til alle utstillingsføremål som høver for lokalet.

Galleriet skal primært nyttast til kunst- og kulturutstillingar, men kan også leigast ut til andre utstillingsføremål.

”Galleri Gol” høyrer inn under ansvarsområdet til Utval for kultur og levekår som gjennom enkeltvedtak kan gi ytterlegare retningsliner for drifta.

Avdeling for kultur og informasjon har ansvar for dagleg drift og programmering av lokalet.

Avdeling for kultur og informasjon har rett til å foreta ei vurdering av utstillingane som skal visast i galleriet og kan avvise utstillingar som av kvalitetsmessige grunnar eller andre omsyn ikkje samsvarar med galleriets profil eller vil vera uheldig for galleriets omdømme og verksemd.

2. KUNST- OG KULTURUTSTILLINGAR

Kunst- og kulturutstillingar skal som hovudregel arrangerast av avdeling for kultur og informasjon, kunstforeining eller andre liknande kunst-/kunsthandverkorganisasjonar.

Galleriet kan også leigast ut til einskildpersonar/grupper til kunst- og kulturutstillingar. Søknad om leige av galleriet skal i slike tilfelle vera vedlagt lysbilete av utstillingsobjekt (evnt. framvisning) samt informasjon om utstillarane (vitaliste/referansar) J.fr. pkt. 1, 3. avsn.

Avdeling for kultur og informasjon sine utstillingar skal som hovudregel arrangerast etter følgjande modellar:

I: Avdeling for kultur og informasjon som hovudarrangør:

Avdeling for kultur og informasjon har totalansvar og dekker alle utgifter i samband med utstillinga. Salsprovisjon blir fastsett etter avtale med kunstnaren, men skal til vanleg vera 25%.

II: Avdeling for kultur og informasjon som medarrangør.

Avdeling for kultur og informasjon og kunstnaren deler ansvaret og oppgåvene i samband med utstillinga. Salsprovisjon blir fastsett etter avtale med kunstnaren og vil variere med kunstnaren sitt praktiske og økonomiske engasjement innanfor skalaen 0-20%.

Kunstforening o.l.

Leige: kr. 100 pr. dag foreininga disponerer lokalet. Reinhald av lokala er ikkje lagt inn i leigeprisen. Dette må leigetakar sjølv syte for.Leigetakar vil elles bli belasta med faktiske utgifter til reinhald av lokala etter bruk.

Einskildpersonar/grupper.

Leige av galleriet etter særskilt vurdering. J.fr. pkt. 1, tredje avsn. c og pkt. 2 , andre avsn..
Leige: kr. 100 pr. dag ein disponerer lokalet.Reinhald av lokala er ikkje lagt inn i leigeprisen. Dette må leigetakar sjølv syte for.

Leigetakar vil elles bli belasta med faktiske utgifter til reinhald av lokala etter bruk.

3. ANDRE UTSTILLINGAR

Galleriet kan leigast ut til andre utstillingar som t.d. næringsutstillingar, informasjonsutstillingar, skule-/barnehageutstillingar m.v.

Søknad om leige av galleriet skal i slike tilfelle vere vedlagt informasjon om utstillar og gi ei beskriving av utstillinga. J.fr. pkt. 1, tredje avsn.

Leigepris:

• Kommersielle føremål: kr. 400 pr. dag ein disponerer lokalet.
• Ikkje-kommersielle føremål: kr. 100 pr. dag ein disponerer lokalet.

Reinhald av lokala er ikkje lagt inn i leigeprisen. Dette må leigetakar sjølv syte for. Leigetakar vil elles bli belasta med faktiske utgifter til reinhald av lokala etter bruk.

4. OPNINGSTIDER

Rammer for opningstida:

• Kvardagar: kl. 09.00 – 21.00
• Laurdagar: kl. 09.00 – 18.00.
• Søn- og helligdagar: kl. 13.00 – 18.00.

5. KOPIERINGSTENESTER

Avdeling for kultur og informasjon kan bistå utstillarar med produksjon avutstillingslister, invitasjonar og plakatar (produsert på kopimaskin) til dei prisar som til ein kvar tid er gjeldande i Gol kommunehus.