Forliksrådet er det lågaste leddet i rettssystemet for sivile saker.
Det er både meklingsinstans og domstol. Både forlik og dom i forliksrådet har rettsverknad og kan eventuelt bli tvangsfullbyrda hjå namsmannen.

Alle kommunar har forliksråd. Forliksrådet består av tre lekfolk og like mange varamedlemer, som vert valt av kommunestyret og utnemnt av fylkesmannen, blant kommunens innbyggarar for fire år om gongen.

Forliksrådet har sekretariat som står for ekspedisjon og saksbehandling. Sekretærfunksjonen er lagt til politiet, dvs i Gol til lensmannen.