Kven kan søkje ?

Organisasjonar, personar og institusjonar i Gol kommune, samt regionale organisasjonar som har medlemer og aktivitet i Gol.

Tilskot til kulturarrangement/tiltak kan bli gitt til:

• Tilskiping av teater, konsertar, utstillingar og andre kunst- og kulturformidlingstiltak.
  Tilskot blir gitt med inntil 50 % av utgiftene til honorar (inkl. reise/diett/overnatting), husleige og marknadsføring.
  Max. tilskot kr. 7.000.
• Tilskiping av lokale kurs/konferansar.
  Tilskot blir gitt med inntil 50 % av utgiftene til
  honorar (inkl. reise/diett/overnatting), husleige og marknadsføring.
  Max. tilskot kr. 7.000.
• Nordisk venskapskommunesamarbeid.
  Tilskot blir gitt til utveksling/besøk som ledd i det nordiske venskapskommunesamarbeidet.
  Tilskot blir gitt med inntil 50 % av reiseutgiftene, max. kr. 200 pr. person.

Tilskotet blir betalt ut etterskotsvis mot framlagt rapport/rekneskap. Kultur- og informasjonsavdelinga må ha fått dette seinast 6 veker etter at arrangementet/tiltaket er gjennomført/avvikla. Dersom rapport/rekneskapsskjema ikkje er levert kulturavdelinga innan fristen, kan tilskotet bli trekt attende.

Dersom dei faktiske utgiftene er mindre enn det som er opplyst i søknaden, blir tilskotet redusert tilsvarande.

Ved arrangement der kulturleiar har grunn til å tru at det kan bli balanse i rekneskapen utan tilskot, kan stønad gjevast som garanti mot underskot.

Det skal gå klart fram ved all annonsering at tiltaket/arrangementet er støtta av Gol kommune - kultur- og informasjonsavdelinga.

 Søknadsfrist:

 seinast 2 veker før gjennomføring av arrangementet/tiltaket.