Praktikantordninga er heimla i forskrift om midler til bygdeutvikling.

Det primære målet med praktikantordninga er å bidra til å sikre rekruttering til landbruket og landbruksrelaterte næringar.

Gjennom organisering og økonomisk stimulering skal ordninga vere med på å betre praksistilbodet i landbruksnæringa.

Målgruppa

Er personar i alderen 16-30 år som ønskjer praksis og utdanning i landbruket.

Finansiering

Ordninga vert finansiert av BU-midlar (bygdeutviklingsmidlar) og vert forvalta av Fylkesmannen og Statens landbruksforvaltning.

Tilskot

Ein kan få tilskot til inntil 60 % av føretaket sine kostnader til arbeidsgjevaravgift, yrkesskadeforsikring, løn til praktikant  som tilsvarar 65 % av lønstrinn 1 i Statens regulativ og feriepengar i høve til dette. Praksisverten sin eigenandel er på 40 %.

I tillegg kan faktiske dokumenterte utgifter til barnepass samt kursutgifter dekkjast.

Ordninga gjeld ikkje

Praksis på eigen, foreldra eller svigerforeldra sin gard kjem ikkje inn under ordninga.

Ordninga er under vurdering så ta kontakt med kommune eller fylkesmann før søknad vert sendt. Meir informasjon, søknadsskjema m.m. er å finne hjå Statens landbruksforvaltning.