Det har sidan 2006 vore jobba med å utarbeide ein varmeplan for Gol sentrum der store energibrukarar kan legge om til meir miljøvenleg og berekraftig varme i form av bioenergi eller varmepumpeløysning.

Sommaren 2007 fekk Gol kommune levert rapport etter eit forprosjekt som såg på bioenergiløysningar i Gol sentrum. Denne konkluderte med at det låg godt til rette for ein bioenergisentral i Gol sentrum sør og ein i Gol sentrum nord. I tillegg vart det foreslege eit punktvarmeanlegg på Gol skule og eit på helsetunet.

Forprosjektet har ikkje resultert i noko konkret enda, men det vert sett nærmare på Gol sentrum sør. Hallingdal bioenergi i samarbeid med Nortura, Pers Resort og Gol kommune ser på moglegheitene for eit bioanlegg som anten er fyrt med pellets eller flis.