Erstatning ved tap av bifolk
Det kan gjevast erstatning for tap av produksjonskuber som inneheld ei dronning og minst sju rammer med påsittande bier. Tap av bifolk gjennom vinteren kan i stor grad avgrensast ved at tilhøva blir lagt godt til rette for innvintringa, ved bl.a. tilpassa sjukdoms-/parasittbehandling og at bifolka blir fulgt opp gjennom vinteren.
Erstatning vert gjeve som ein fast sats på 1500 kr. pr. kube pr. i dag. Erstatning på mindre enn 5000 kr. vert ikkje utbetalt (eigenandel). Eigenandel for erstatning etter tap av bifolk er 30 prosent av nettotapet.
Sjå Statens landbruksforvaltning for meir informasjon.
Søknadsfrist
Søknadsfrist er seinast tre månader etter at skada vart oppdaga eller burde vore oppdaga.
Søknadsskjema
Finn ein på nettsida til Statens landbruksforvaltning eller du kan få det på Servicetorget eller på Næringsavdelinga. Elektronisk søknad kan sendast inn via Altinn.